لكن هل فعلا الشغف موجود و ازاي اعرفه و اوصله
سمعت جملة عابرة ان انك لما تشتغل حاجة و متحسش انها شغل يعني بالبلدى بتعملها وانت سايب ايدك و بتكون فاكر ان كل الناس بتقدر تعملها ...ايوه بالظبط هو ده شغفك
الفكرة انها بتكون حاجة مألوفة جدا ليك و يمكن بتكون مش شايف ليها قيمة كبيرة زي انك مثلا عندك اصحاب فكل حتة ..او لما بتقعد في مكان بتعرف تتكلم و تكسر الجليد او انك مفيش جيم بتعدي عليك غير لما بتجيب اخرها ...ايوه بالظبط هو ده الشغف ..الشغف هو الحافز الداخلي اللي بيسببلك ارتفاع الادرينالين بانسيابية من غير تشنج و تنافس ..
فيه ناس مشكلتها انها بتعرف تبقى شاطرة !! فعلا دي مشكلة هو عارف انه لما هيبدا في حاجة هيتشقلب فيها لحد ما يجيب اولها و اخرها و هينجح و ده بيكون عنده مشكلة كبيرة في انه يلاقي الشغف او يعرف يوجهه و دول برضو اللي بنقول عليهم متعددي المهارات ..لكن هتلاقي انه بيعمل حجات كتير تحت ضغط و هو جازز كده على سنانه مش هسيبه غير لما انجح فيه منافسة انما شغفه هيعمله و هو رايق من غير ما يبقى عاوز ينافس حد فيه لانه في ذاته بيسببله السعادة و الادرينالين اللي بيكون عاوزه من الوصول للنجاح في اي حاجة تانية
من اهم الخطوات العملية للوصول للشغف
هو الgab year ده مبدا مشهور في دول كتير و بالذات للطلاب قبل ما يختاروا مجال تخصصهم سنة فاضية تعمل فيها انشطة كتير تجرب تسافر اماكن جديدة تتعامل مع ناس مختلفة بالاصح تكتشف نفسك للاسف كل ما الوقت بيمر علينا و المسؤليات بتكبر عقلك بيتحجم مش عارف ياخد مساحته و حريته فانه يحس..خد نفس و حاول تأمن لنفسك سنة او حتى كام شهر تكتشف فيهم انت مين
و بالمناسبة الحاجة ام الاختراع احيانا لما بتلاقي المرتب موجود كل شهر بيكون كومفرت زوون حتى لو هو مش كومفرت اوي فخلي بالك ..
ليست هناك تعليقات:
إرسال تعليق