هي ،،

لما تلاقيها بتكلمك كتير اعرف انها محتاجة تطمن بيك .. كلمها عادي و فجأة اسألها بحنية قلقانة من ايه يا حبيبتي و خليها تحكي كل اللي جواها

لما تسكت كتير وسط كلامها ممكن تكون بتدمع و انت مش حاسس .. قولها بحبك متخافش من حاجة انا جنبك يا احلى حاجة فحياتي ،، لو عيطت طبطب عليها اوي بكلامك

لو لقيتها بتهرب منك او بتصدك جامد بمعاملاتها و لا أسلوب حاد في كلامها ... متفضلش مزبهل و تتنرفز مثلا و تقول انها اتجننت و لا مستفزة ! شدها فحضنك بالاوي على قد ما كانت بتصدك دخلها جواك من غير ولا كلمة

لما تلاقيها بتقفل معاك فجأة و بتقولك روح و لو سألتها قالت مفيش اوعى تسببها و كأنك بتقولها اتفلقي ! كلمها بقلبك و عقلك و ادخل جواه و خرج منها اللي مضايقها

لما تزعل من حجات تافهة و لا تقلق من حجات عبيطة اوعى تستهون بيها و تقلل منها هي متخلقتش علشان تكون قوية طول الوقت هي المفروض تقوى بيك