Followers

الجمعة، 11 يناير 2013

متلخبط .. متضايق ؟!

جرب كده اقفل كل حاجة انسى كل اللي فدماغك متفكرش فحد تكلمه متفكرش انك لوحدك .. متفكرش انك زهقت من نفس الكلام

 واللي تاعبك هو هو نفس المشكلة نفس العيب اللي مش عارف لسه تغيره .. نفس الشخص اللي مش عارف تتعامل معاه .. نفس

 الظروف اللي حواليك ومش عارف تغيرها .. 5 دقايق كده قوم اقفل كل حاجة فماغك قبل اللي فايديك ..

 روحله هو بقه هو الكبير والأكبر من كل ده .. هو اللي خالقك وعارفك بالخير والشر اللي فيك اكتر منك ..

 اتوضى وانت جواك شوق لمقابلته .. اغسل نفسك من الهموم مع كل مسحة وضوء .. دخل الميه جوه بقك وابلع حبه سقعانين ..

 خلص وخد نفس كبير من بتوع الاسترخاء وخرج من قلبك الحمدلله .. استغفر و كتر من لاحول ولا قوة الا بالله قولها بفهم من جوه

 قلبك ان مفيش لا تحول ولا قوة الا من عند الله " لا حول ولا قوة الا باللــــــه" ..

 افرش سجادتك واقف بين ايديه وشوف الكعبة بين عينيك وتخيل ايدين رحمته وعفوه بتحوط كتافك وقول الله أكبر وبرضو قولها من

     قلبك اوي الله أكبر من كل شئ ..
في

ليست هناك تعليقات:

إرسال تعليق

الاشتراك في: تعليقات الرسالة (Atom)