الحمدلله
الحمدلله انك تعرف تكون مبسوط لوحدك حاسس بايمان مدفي قلبك .. يغمرك يقين وثقة فتدابير الهك الأحد ..متأكد ان كل ما فات وما آتي هو كل الخير ليك .. لما تقرر بقلب جامد انك هتسيب اي حاجة بتحبها علشانه وتثبت علشان رضاه وعلشان متاكد انه مستحيل ينسهالك وهيجازيك بالافضل منها ليك الافضل ليك اللي انت متعرفوش .. ساعتها بتعرف بجد يعني ايه تكون مبسوط لوحدك والسعادة بتسري فيك
الحمدلله انك بتحس بأبسط الأشياء وتفرح بيها .. تعرف تحس بحب امك وانت فحضنها وخوف ابوك من نظرة عنيه ولذة شقاوة اخوك معاك .. تتبسط لما تاكل شيكولاته بتحبها او تشرب حاجة دافية وانت قاعد وسطهم تتفرج عالتلفزيون
الحمدلله ان ليك صحاب بيحبوك بيتجننوا معاك بيكلموك ويسمعوك وتحس معاهم امان
الحمدلله ان صحتك بخير وتقدر تساعد ناس تانيين ولسه قادر تحلم وتأمل ومتيأسش من التغيير
ليست هناك تعليقات:
إرسال تعليق